2007年7月14日及15日(星期六,日) 趁住有兩日假期,走左去火辣辣既澳門玩 我地竟然挑戰睡魔,走去撘朝早9點半船.好彩我係最後關頭個一秒鐘趕到碼頭,先無晨早比人鬧咋!   仲有好多靚景呀!
去到探左個係澳門返工既個叔,佢用佢架車以米錶80米個感覺140米既速度同我地極速遊左澳門同乙水仔所有景點!滴曬汗! 之後都係好老土咁去下大三巴,行下小街,好舒服!當然唔少得係不停咁食啦!正宗金錢餅好好味呀!   熱到抽筋!我地每行過5間鋪就要入一間過冷河呀! 我地仲比個阿叔朋友呃左,話漁人碼頭要夜晚先有野行,點知去到D景點都關曬!  
 
我地去左漁人碼頭個機鋪,好多連香港都無既新GAME呀!呢個賽車係雙打架!架車會郁,每次由其中一人開車,如果一撞左就會轉你PARTNER開車啦! 我就緊係係咁撞!玩唔到兩下就比返佢!回水呀!   最好玩都係呢個!打喪屍!間房有兩個大SCREEN!當你轉彎時成架車會180度轉同轉第二個畫面.超刺激呀!玩到我嘩嘩叫! 但我地過唔到MISSION既50%就GAME OVER啦! 實在太水皮啦! 一關都過唔到!
跟住我地仲去左金沙食自功餐,都好好味好多野食!下次試下新蒲京先!  
第二日我地食完個靚早餐之後就CHECK OUT好開心咁去個亞運場館度諗住溜冰.去到成個場我地兩個一定係年紀最大個兩個!等左成個鐘先至叫左20個號碼,但我地仲有成百幾個號碼呀!問你死未!諗住撘SHUTTLE走啦!又成個鐘一班喎!地點荒蕪連的士都無呀!仲差D以為要被困係個到添!好彩比我叻女老遠見到架的士經過仆到咁衝出去咋!如果唔係  又去左漁人碼頭曬到抽筋   呢個係我地係漁人碼頭cafe食既雞旦蛋糕!好好味好特別架! 上左的士阿叔就建議我地由乙水仔去左漁人碼頭先再返乙水仔官也街再返酒店擰行李去碼頭.okok但當架的士差不多過乙水仔橋時佢就想改變主意,但又猶疑不決喎!最終的士緊係過左橋啦!我地緊係把握呢個咁好既時機係的士嘈交啦!嘈到的士司機都想趕我地落車! | 
